التدوين..والهدف

قعدت مع نفسي وسألتها -حاكم أنا متعود أقعد مع نفسي كل فترة كده- ايه سر الرغبة الشديدة في التدوين اللي نزلت عليكي فجأة كده..!؟
-في الأول زاغت من السؤال زي عوايدها ومردتش عليا.. ولاني عارف نفسى وعارف ايه اللي بينفع معاها قلت لها:هو أنت فكراني هدون كده من غير معرف أنا بدون ليه أدون من غير هدف !!!
الرسول صلى الله عليه وسلم قال"انما الاعمال بالنيات"
وقال"من كان يؤمن بالله واليوم الأخر فليقل خيرا أو ليصمت "
وقال الشاعر"وما من كاتبا الا سيفنى ويبقي الدهر ما كتبت يداه"وقال.....بس بس خلاص أنت عايزني أقول انا هدون ليه!؟ أنا هدون عشان التدوين أه هدون من أجل التدوين هدون عشان لازم أدون هدون عشان تعبت من الكلام معاك وعايز اتكلم مع غيرك-الكلام ده نفسي بتقوله ليه-هادون عشان تعبت من السكوت والصمت زي تابوت محبوس فيه صوتي محبوس رأيي محبوس فيه شخصييتي
هدون عشان تعرفني الدنيا يعرفني الناس، شي غبي جدا أن كل واحد فينا بيكلم نفسه كأن كل واحد في كوكب وعمليين نصرخ في الفراغ ، التدوين هيخليني اركب مكوك سفينة فضاء ودوور وألف بين الكواكب واتكلم مع الناس ..أحنا كلنا محتاجين نتكلم كلنا محتاجين نسمع بعض محتاجين نتواصل..نفضفض نتكلم عن مبادئنا عن أفكارنا عن بلدنا عن كوكب الارض والكواكب الاخرى
نداء الى عموم المجرة..! كفاية سكوت كفاية انعزال كفاية كلام مع نفسك بس . تعالوا نتكلم مع بعض...............قشطة

قشطة..!

النهارده يعتبر اول تدويناتي.. وتصادف كمان انه يوم ميلادى!!!.... فات من عمري 30 سنة !
-ياه دانتا كبير اوي!!
- ياعم الشباب شباب القلب ‘ وبعدين انا نويت كده والنية لله اني أتغير واغير حاجات كتير في حياتي واخلي حياتي .........قشطة
وانس اللي فات وكأنه كان صفحة بيضا.......قشطة
وبيقولك ياسيدي{ لان تبدأ متأخرا خير من الا تبدا من اصله..ياااابه} ..وبعدين انت هتعيرني ..طب انت سنك كام؟؟؟؟ وعملت ايه السنين اللي فاتت في حياتك؟؟!
المهم..... أنا سميت مدونتي قشطة عشان نفسي
اخلي قلبي ابياااض ....قشطة
وصحيفة ذنوبي عند ربنا تبقى بيضا ...قشطة
واللي يعرفني يقول ده راجل ....زي العسل قشطة
وفي فرق كبير بين لما تبقى راجل قشطة ‘وبين لما تبقى سيد قشطه!!!!!
وكمان هاحاول تكون مدونتي اللي يشوفها يلقيها مختلفة وأفيده فيقول...قشطة!!
أو يلاقي فيها حاجة بقالوا كتيير بيدوور عليها وأول ميلاقيها يقول.....قشطااا
أو واحد يلاقي في كلامي وتفكيرى مساحه مشتركة بينه وبيني وأقوللوا قشطة ؟!....يقوللي تمااام قشطة

كفاية كدة لحسن التدوينه دي جوعتني أوي .
اشوفكوا التدوينه الجاية......قشطة

حبيبي يا محمد

عَنْ أمير المؤمنين عمر بن الخطاب رَضيَ اللَّه عَنْهُ قَالَ سمعت رسول اللَّه صلى اللَّه عليه وسلم يقول:

{ إنما الأعمال بالنيات، وإنما لكل امرئ ما نوى. فمَنْ كانت هجرته إِلَى اللَّه

ورسوله فهجرته إِلَى اللَّه ورسوله، ومن كانت هجرته لدنيا يصيبها أو امرأة

ينكحها فهجرته إِلَى ما هاجر إليه }متفق عَلَيه

يارب ياهادي

بِسْمِ اللَّهِ الرَّحْمَنِ الرَّحِيمِ (1)

الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ

(5) اهْدِنَا الصِّرَاطَ الْمُسْتَقِيمَ (6)

صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)